2015 jylǵy 19 qarasha, Astana qalasy
Ǵımarattar men qurylystardyń senimdiligin jáne ornyqtylyǵyn
tehnıkalyq zerttep-qaraýdy júzege asyrý qaǵıdalaryn bekitý týraly
«Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» 2001 jylǵy 16 shildedegi Qazaqstan Respýblıkasy Zańynyń 20-babynyń 6-7) tarmaqshasyna sáıkes buıyramyn:
1. Qosa berilip otyrǵan Ǵımarattar men qurylystardyń senimdiligin jáne ornyqtylyǵyn tehnıkalyq zerttep-qaraýdy júzege asyrý qaǵıdalary bekitilsin.
2. Qazaqstan Respýblıkasy Ulttyq ekonomıka mınıstrliginiń Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıteti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkeýden ótkennen keıin kúntizbelik on kún ishinde onyń merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalanýǵa jiberilýin;
3) osy buıryqtyń Qazaqstan Respýblıkasy Ulttyq ekonomıka mınıstrliginiń resmı ınternet-resýrsynda ornalastyrylýyn qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Ulttyq ekonomıka vıse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Ulttyq ekonomıka mınıstri E.DOSAEV
Qazaqstan Respýblıkasy Ulttyq ekonomıka mınıstriniń
2015 jylǵy 19 qarashadaǵy №702 buıryǵymen bekitilgen
Ǵımarattar men qurylystardyń senimdiligin jáne ornyqtylyǵyn
tehnıkalyq zerttep-qaraýdy júzege asyrý qaǵıdalary
1. Jalpy erejeler
1. Osy Ǵımarattar men qurylystardyń senimdiligin jáne ornyqtylyǵyn tehnıkalyq zerttep-qaraýdy júzege asyrý qaǵıdalary (budan ári – Qaǵıdalar) «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» 2001 jylǵy 16 shildedegi Qazaqstan Respýblıkasynyń Zańyna (budan ári – Zań) sáıkes ázirlendi jáne ǵımarattar men qurylystardyń senimdiligin jáne ornyqtylyǵyn tehnıkalyq zerttep-qaraýdy júzege asyrý tártibin reglamentteıdi.
2. Osy Qaǵıdalarda Zań men sáýlet, qala qurylysy jáne qurylys salasyndaǵy memlekettik normatıvterde anyqtalǵan uǵymdar paıdalanylady.
2. Ǵımarattar men qurylystardyń senimdiligin jáne ornyqtylyǵyn
tehnıkalyq zerttep-qaraýdy júzege asyrýdy uıymdastyrý
3. Ǵımarattar men qurylystardyń senimdiligin jáne ornyqtylyǵyn tehnıkalyq zerttep-qaraý:
1) buzylýdyń qaýiptiligin bildiretin jaýapty (tireýish) elementteri men qosylýlardyń aqaýlary men búlinýleri, qoldanylǵan qurylys materıaldarynyń sapalyq kórsetkishterge sáıkes kelmeıtindigi anyqtalǵan;
2) órttiń jáne dúleı zilzalanyń saldarlary;
3) memlekettik sáýlet-qurylys baqylaý jáne qadaǵalaý organdary nusqama bergen;
4) ǵımarattar men qurylystardyń konstrýktıvtik shemasy, óndiris tehnologııalary ózgeristerine baılanysty bekitilgen jobalyq sheshimder ózgergen;
5) ǵımarattardyń, qurylystardyń normatıvtik paıdalaný merzimderi aıaqtalǵan;
6) jóndeýdiń jáne rekonstrýksııalaýdyń ekonomıkalyq turǵydan oryndylyǵyn aıqyndaǵan;
7) normalanatyn tabıǵı-klımattyq áser (qardyń, jeldiń áseri) ulǵaıǵan;
8) ǵımarattar men qurylystardyń tehnıkalyq turǵydan paıdalaný (turaqty túrde) kezinde qurylystardyń tehnıkalyq tekserip qaraý merzimderiniń bastalýy;
9) salynyp jatqan obekt qurylysyn konservasııalaý ne alty aıdan astam merzimge toqtata turǵan;
10) paıdalanyp otyrǵan úı-jaı nemese qurylysty jańǵyrtý, rekonstrýksııalaý, qaıta jaraqtaý, olardyń nysanaly maqsaty ózgergen jaǵdaılarda júrgiziledi.
4. Ǵımarattar men qurylystardyń senimdiligin jáne ornyqtylyǵyn tehnıkalyq zerttep-qaraý tehnıkalyq tapsyrmaǵa sáıkes ǵımarattar men qurylystardyń senimdiligin jáne ornyqtylyǵyn tehnıkalyq zerttep-qaraý júzege asyrýǵa arnalǵan shartqa (budan ári – shart)sáıkes júzege asyrylady.
5. Tapsyrys berýshi ǵımarattar men qurylystardyń senimdiligin jáne ornyqtylyǵyn tehnıkalyq zerttep-qaraýdy júzege asyrý quqyǵyna tıisti attestaty bar sarapshyny (budan ári – sarapshy) ne quramynda attestattalǵan sarapshylary bar akkredıttelgen uıymdy (budan ári – uıym) tartqan kezde osy Qaǵıdalardy, Qazaqstan Respýblıkasynyń basqa da normatıvtik quqyqtyq aktilerin jáne sáýlet, qala qurylysy jáne qurylys salasyndaǵy memlekettik normatıvter jáne sharttyń talaptaryn basshylyqqa alady.
3. Ǵımarattar men qurylystardyń senimdiligin jáne ornyqtylyǵyn
tehnıkalyq zerttep-qaraýdy júzege asyrý
6. Ǵımarattar men qurylystardyń senimdiligin jáne ornyqtylyǵyn tehnıkalyq zerttep-qaraýdy júrgizý kezinde sarapshy ne uıym mynadaı fýnksııalardy júzege asyrady:
1) Tapsyrys berýshiden tekserýdiń bastapqy derekterin: qoldanystaǵy jobalaý-smetalyq qujattamany, saraptamalyq qorytyndysyn, ınjenerlik-geologııalyq izdenister jónindegi qorytyndyny, atqarýshylyq-tehnıkalyq qujattamany, ruqsat berý qujattamasyn, quqyq belgileıtin qujattardy suratady;
2) aqaýlardy sýretke túsirip, qarap tekserý júrgizedi;
3) Tapsyrys berýshi obektini tehnıkalyq zerttep-qaraýdy daıyndaý boıynsha barlyq qajetti is-qımyldardy uıymdastyrýy jáne oryndaýy úshin tireý konstrýksııalaryn qajetti ashý oryndary bar is-qımyldar baǵdarlamasyn Tapsyrys berýshige usynady;
4) usynylǵan bastapqy derekterdi aldyn ala zerdeleý men taldaýdy júrgizedi;
5) negizgi tireý jáne qorshaý konstrýksııalaryna, onyń ishinde negizdemeler men irgetastarǵa egjeı-tegjeıli aspaptyq tekserý júrgizedi;
6) egjeı-tegjeıli aspaptyq zerttep-qaraý júrgizgen kezde akkredıttelgen mamandandyrylǵan zerthanany tartady;
7) zerttep-qaraý jatqan búkil obekti men onyń konstrýksııalyq elementteriniń normatıvtik talaptardan aýytqýlaryn anyqtaý úshin olardyń ınjenerlik-geodezııalyq túsirilimin júrgizedi;
8) obektilerde qoldanylatyn qurylys materıaldarynyń, konstrýksııalary men buıymdarynyń sapasyn tekseredi, olardyń Qazaqstan Respýblıkasynda qoldanystaǵy standarttar men basqa da normatıvtik tehnıkalyq qujattarǵa sáıkes zerthanalyq synaqtaryn uıymdastyrady jáne sapasyn rastaıtyn qujattardyń (tehnıkalyq pasporttar, sertıfıkattar, zerthanalyq synaqtardyń qorytyndylary jáne basqalary) bar-joǵyn tekseredi;
9) zerttep-qaraý barysynda alynǵan nátıjelerge zerdeleý júrgizedi;
10) zerttep-qaraý barysynda alynǵan nátıjeler men zerthanalyq derekterdi eskerip, usynylǵan baǵdarlamalyq keshenderde ǵımaratty (qurylysty) tekserý esebin júrgizedi;
11) barlyq alynǵan derekterge ınjenerlik taldaý júrgizedi (konstrýksııalardyń jumys isteý qabileti sanatyn aıqyndaı otyryp, bastapqy derekterdi, tekserý nátıjeleri men tekserý esepterin taldaý);
12) obektiniń naqty derekteri boıynsha qajetti qosymshalary (josparlar, bólinister, tireý konstrýksııalarynyń atqarýshylyq túsirilimi, sýretqosymsha, zerthana hattamalary, rastaıtyn materıaldar) bar, obektiniń senimdiligi men ornyqtylyǵyna júrgizilgen tehnıkalyq zerttep-qaraý nátıjeleri týraly qorytyndy jasap, júrgizilgen tehnıkalyq zerttep-qaraýdy ınjenerlik taldaý nátıjeleri boıynsha saraptamalyq qorytyndy jasaıdy;
13) jasalǵan qorytyndylardyń negizinde qajetti konstrýksııalardy kúsheıtý (qalpyna keltirý) jóninde usynymdar ázirleıdi;
14) obektige qajetti konstrýksııalardy kúsheıtý (qalpyna keltirý) boıynsha usynymdar men tujyrymdar bar obektini tehnıkalyq zerttep-qaraý jónindegi saraptamalyq qorytyndyny Tapsyrys berýshige beredi.
7. Ǵımarattar men qurylystardyń senimdiligin jáne ornyqtylyǵyn tehnıkalyq zerttep-qaraýdy júzege asyratyn tulǵalardyń:
1) salynyp jatqan nemese salynǵan obektige erkin kirýge;
2) Tapsyrys berýshiden tehnıkalyq zerttep-qaraý boıynsha jumysty oryndaý úshin qajetti barlyq jobalaý-tehnıkalyq jáne atqarýshylyq qujattamany alýǵa;
3) obektiniń tolyq ázirligi boıynsha tehnıkalyq zerttep-qaraýǵa kirisýge;
4) tehnıkalyq zerttep-qaraýdy júrgizý úshin qajetti barlyq jumysty oryndaýǵa quqyǵy bar.
8. Tapsyrys berýshi ǵımarattar men qurylystardyń senimdiligin jáne ornyqtylyǵyn tehnıkalyq zerttep-qaraýdy júzege asyrǵan kezde sarapshylarǵa nemese uıymǵa tolyq tehnıkalyq járdem kórsetedi.
9. Jumys istep turǵan kásiporyn jaǵdaıynda ǵımarattar men qurylystardyń senimdiligin jáne ornyqtylyǵyn tehnıkalyq zerttep-qaraýdy júrgizgen kezde zerttep-qaraýdy oryndaıtyn sarapshylar osy obektide qoldanystaǵy arnaıy tehnıkalyq qaýipsizdik qaǵıdalary týraly nusqaý alýǵa tıis.
10. Ǵımarattar men qurylystardyń senimdiligin jáne ornyqtylyǵyn tehnıkalyq zerttep-qaraý boıynsha saraptamalyq jumystardy oryndaý merzimi shartpen aıqyndalady jáne mynadaı:
- tehnıkalyq turǵydan kúrdeli emes obektiler úshin kúntizbelik otyz kúnnen;
- birinshi jáne ekinshi jaýapkershilik deńgeılerindegi biregeı jáne tehnıkalyq kúrdeli obektiler úshin kúntizbelik alpys kúnnen;
- birinshi jaýapkershilik deńgeıindegi óndiristik maqsattaǵy biregeı jáne tehnıkalyq turǵydan kúrdeli obektiler úshin kúntizbelik bir júz jıyrma kúnnen aspaıdy.
11. Ǵımarattar men qurylystardyń senimdiligin jáne ornyqtylyǵyn tehnıkalyq zerttep-qaraýdy oryndaıtyn sarapshy júrgiziletin zertteýlerdiń sapasyna, shyǵarylǵan sheshimderdiń durystyǵyna jáne ázirlengen usynymdardyń tolyqtyǵyna Zańnyń 34-4-babynyń 11-tarmaǵyna sáıkes jaýapty bolady.
12. Sarapshylardyń tehnıkalyq zerttep-qaraý nátıjeleri boıynsha barlyq qorytyndylary men nusqaýlary tapsyrys berýshiniń oryndaýy úshin mindetti bolyp tabylady.
13. Ǵımarattar men qurylystardyń senimdiligi men ornyqtylyǵyna tehnıkalyq zerttep-qaraý júrgizý barysynda sarapshylardyń kásibı qyzmetine aralasýǵa bolmaıdy.
14. Ǵımarattar men qurylystardyń senimdiligi men ornyqtylyǵyn tehnıkalyq zerttep-qaraý júzege asyratyn tulǵa óz mindetterin oryndamaǵany (tıisinshe oryndamaǵany) ne qyzmetin júzege asyrmaǵany úshin Qazaqstan Respýblıkasynyń zańdarynda belgilengen jaýaptylyqta bolady.
4. Ǵımarattar men qurylystardyń senimdiligin jáne ornyqtylyǵyn tehnıkalyq zerttep-qaraý jónindegi saraptamalyq qorytyndyǵa qoıylatyn talaptar
15. Ǵımarattar men qurylystardyń senimdiligin jáne ornyqtylyǵyn tehnıkalyq zerttep-qaraý jónindegi saraptamalyq qorytyndy mynalardy qamtýǵa tıis:
1) muqaba paraq (oryndaýshy uıymnyń ataýy, obektiniń ataýy, kim bekitedi, tirkeý nómiri);
2) qorytyndynyń mazmuny;
3) tehnıkalyq zerttep-qaraý júrgizý úshin negizdeme (sharttyń nómiri men kúni, ǵımarattar men qurylystardyń senimdiligin jáne ornyqtylyǵyn tehnıkalyq tekserýge arnalǵan tehnıkalyq tapsyrma);
4) zerttep-qaraýǵa Tapsyrys berýshiniń usynǵan bastapqy derekteriniń tizbesi;
5) zerttep-qaraý júrgizilip jatqan obektiniń ornalasqan alańy boıynsha jalpy sıpattama (ornalasqan alańnyń, klımattyq jaǵdaılardyń, alańnyń ınjenerlik-geologııalyq jaǵdaılarynyń sıpattamasy);
6) kólemdik-josparlyq jáne syndarly sheshimder (qabyldanǵan kólemdik-josparlyq jáne konstrýksııalyq sheshimderdiń sıpattamasy);
7) tekserý nátıjeleri (júrgizilgen tekserýlerdiń, anyqtalǵan aqaýlar men buzýshylyqtardyń sıpattamasy);
8) zerttep-qaraý esebiniń nátıjeleri (qoldanylǵan esepteý baǵdarlamasyn kórsetý, esepteý shemasynyń sıpattamasy, júktemeler jınaǵynyń kestesi, obektiniń eseptik modelderi, esepteý hattamalary, tireý elementterindegi kúsh túsý shemalary, esep bólimi boıynsha qorytyndylar);
9) barlyq alynǵan derekterdiń ınjenerlik taldaý;
10) qorytyndy;
11) usynymdar;
12) qosymshalar (fotomaterıaldar, ınjenerlik-geologııalyq synaqtar boıynsha qorytyndy, grafıkalyq materıaldar, atqarýshylyq túsirilim, zerthanalyq synaqtar hattamalary, atqarýshylyq-tehnıkalyq qujattama).
16. Ǵımarattar men qurylystardyń senimdiligin jáne ornyqtylyǵyn tehnıkalyq zerttep-qaraý jónindegi saraptamalyq qorytyndyǵa tehnıkalyq zerttep-qaraý júrgizgen uıym barlyq attestattalǵan sarapshylary qol qoıady, jeke mórtańba qoıylady jáne ony uıymnyń birinshi basshysymen bekitedi.
Ǵımarattar men qurylystardyń senimdiligin jáne ornyqtylyǵyn tehnıkalyq zerttep qaraý jónindegi saraptamalyq qorytyndyǵa tehnıkalyq tekserýdi júrgizgen sarapshylar qol qoıady, jeke mórtańba qoıylady.
Buıryq Qazaqstan Respýblıkasynyń Ádilet mınıstrliginde 2015 jylǵy 18 jeltoqsanda Normatıvtik quqyqtyq kesimderdi memlekettik tirkeýdiń tizilimine №12425 bolyp engizildi.